Chadi ta zama ƙasar Afirka mafi kura a 2025

Rahoto ya nuna yawancin ƙasashe sun kasa cika ƙa’idar ingancin iska Rahoton kamfanin sa ido kan ingancin iska na IQAir ya nuna cewa Chadi ita ce ƙasar Afirka mafi kura da hazo a shekarar 2025, inda matakan gurɓataccen iska suka haura ƙa’idar da Hukumar Lafiya ta Duniya ta gindaya. Rahoton ya bayyana cewa ƙasashe 130 daga cikin 143 da aka bincika sun kasa cika ƙa’idar WHO, yayin da ƙasashe 13 kaɗai suka samu tsaftatacciyar iska a matakin da aka amince da shi. A matakin duniya, Pakistan, Bangladesh da Tajikistan ne suka fi fuskantar matsalar gurɓacewar iska, yayin da mafi yawan biranen da suka fi gurɓacewa suke a India, Pakistan da China. Rahoton ya kuma nuna cewa kashi 14% ne kawai na biranen duniya suka cika ƙa’idar ingancin iska a 2025, ƙasa da kashi 17% da aka samu a shekarar da ta gabata. Masana sun danganta wannan matsala da abubuwa kamar gobarar daji da sauyin yanayi, duk da cewa wasu ƙasashe sun samu sauƙi sakamakon yanayin La Niña. Rahoton ya jaddada cewa gurɓacewar iska na ci gaba da zama babbar barazana ga lafiyar jama’a a faɗin duniya. Tushen labari: Newstimehub