Jirgin sojin Amurka KC-135 ya faɗi a yammacin Iraƙi

CENTCOM ta ce ba harin abokan gaba ne ya haddasa faɗuwar ba Rundunar sojin Amurka ta bayyana cewa wani jirgin sojin Amurka samfurin KC-135 ya faɗi a yammacin Iraq yayin da wani jirgi makamancin sa ya sauka lafiya. United States Central Command (CENTCOM) ta ce ba harin abokan gaba ne ya haddasa faɗuwar jirgin ba, duk da cewa lamarin ya faru ne a lokacin rikicin da ke gudana a yankin. Rahotanni sun nuna cewa wannan shi ne aƙalla jirgi na huɗu da Amurka ta rasa tun bayan fara yaƙin da Iran, bayan an harbo jirage samfurin F-15 guda uku a sararin samaniyar Kuwait. Jiragen KC-135 dai sun shafe fiye da shekaru 60 suna aiki, kuma ana amfani da su wajen bai wa sauran jiragen yaƙi mai a sararin samaniya. A cewar rundunar sojin saman Amurka, jirgin KC-135 yawanci na ɗaukar ma’aikata uku, wato matuƙan jirgi biyu da kuma wanda ke sarrafa bututun da ake amfani da shi wajen zuba mai ga sauran jirage. Sai dai wasu ayyuka na jirgin na iya buƙatar ƙarin kayan aiki kuma yana iya ɗaukar fasinjoji har 37. Tushen labari: Newstimehub