Trump na duba yiwuwar tura karin jiragen yaƙi kusa da Iran

Amurka na shirin matakin soji yayin da tattaunawa da Iran ke gudana Shugaban Amurka Donald Trump ya ce yana tunanin tura karin dakarun ruwa da wani jirgi mai ɗauke da jiragen yaƙi zuwa yankin Gabas ta Tsakiya, kusa da Iran, yayin da ake duba yiwuwar ɗaukar matakin soji. TRT Hausa Matakin na zuwa ne a daidai lokacin da Firaministan Isra’ila Benjamin Netanyahu ke kan hanyarsa ta zuwa Washington domin ganawa da Trump, yayin da Amurka da Iran suka sake fara tattaunawa. TRT Hausa Trump ya shaida wa kafar Axios cewa ayarin jiragen yaƙi na Amurka na kan hanyarsu zuwa yankin, kuma ana iya ƙara wani ayari, wanda zai haɗu da jirgin yaƙi na ruwa USS Abraham Lincoln da dakarunsa da ke yankin. TRT Hausa Rahotanni sun ce ayarin ya ƙunshi jiragen yaƙi na sama, makamai masu linzami da jiragen ruwa, irin tsarin da aka yi amfani da shi a lokacin rikicin kwanaki 12 da ya auku a shekarar da ta gabata. TRT Hausa Duk da wannan shiri na soji, Trump ya bayyana cewa ƙofar diflomasiyya a buɗe take, inda jami’an Amurka da Iran suka gana a Oman, kuma ana sa ran za a ci gaba da zagaye na biyu na tattaunawa a mako mai zuwa. TRT Hausa Trump ya ce ko dai a cim ma yarjejeniya da Iran, ko kuma a ɗauki “mataki mai tsanani,” yana mai ƙara da cewa Iran na nuna ƙwarin gwiwa wajen ƙulla yarjejeniya a halin yanzu. TRT Hausa A nata ɓangaren, Iran ta jaddada cewa tattaunawar za ta ta’allaka ne kan shirin nukiliyarta kaɗai, tare da cewa ba za ta yi watsi da ‘yancinta na sarrafa yuraniyom ba. TRT Hausa