Rasha Ta Taimaka Hana Harin Daesh a Filin Jirgin Yamai

An kashe mahara 20 yayin haɗin gwiwar sojojin Nijar da na Rasha Sojojin Rasha sun taimaka wajen daƙile wani hari da ƙungiyar Daesh ta kai a filin jirgin saman Diori Hamani da ke Yamai, babban birnin Jamhuriyar Nijar, a makon jiya. Gwamnatin Nijar ta ce “abokan hulɗa ‘yan Rasha” sun taka muhimmiyar rawa wajen dakile harin, inda aka kashe mahara 20 tare da jikkata sojoji huɗu. TRT Hausa Ma’aikatar harkokin wajen Rasha ta bayyana cewa harin ya gagara ne sakamakon haɗin gwiwar dakarun tsaron Rasha da ke Afirka da rundunar sojin Nijar, tana mai yin Allah-wadai da abin da ta kira hari na masu tsattsauran ra’ayi. Shugaban Nijar Abdourahamane Tiani ya kai ziyara sansanin sojin Rasha domin nuna godiya bisa nasarar da aka samu. TRT Hausa Hukumomin Nijar sun kuma zargi Jamhuriyar Benin da Faransa da Ivory Coast da hannu wajen ɗaukar nauyin harin, wanda ya shafi wani sansanin soji da ke filin jirgin. Rasha dai ba ta yawan bayani kan ayyukanta na soji a yankin Sahel, inda take ƙara tasiri bayan jerin juyin mulkin da suka rage tasirin ƙasashen Yamma. TRT Hausa A ‘yan shekarun nan, Moscow na ƙara faɗaɗa tasirinta a Afirka ta fuskar siyasa, tattalin arziki da soji, inda aka tura dakarunta ko masu ba da horo zuwa ƙasashe kamar Burkina Faso, Jamhuriyar Tsakiyar Afirka da Libya. Hukumomin Nijar kuwa sun ce suna ci gaba da yaƙi da ƙungiyoyin ta’addanci irin su JNIM da Daesh-Sahel da ke barazana ga tsaron ƙasar. TRT Hausa