Rundunar Sojin Nijeriya Ta Ƙaryata Rahoton Mutuwar Ɗan Koyon Soja a Zariya

Ta ce Ibrahim Nazifi bai taɓa halartar horaswa a Depot ba Rundunar Sojin Nijeriya ta ƙaryata rahotannin da ke cewa wani ɗan asalin Jihar Gombe, Ibrahim Nazifi, ya rasu yayin atisayen horaswa a sansanin Depot da ke Zariya, tana mai bayyana rahotannin a matsayin ƙarya da ruɗani. (TRT Hausa) A wata sanarwa, rundunar ta ce bayanan da take da su sun nuna cewa Nazifi ya tsallake tantancewar ɗaukar soji a watan Disamban 2025 kuma an zaɓe shi don halartar horaswa, sai dai bai taɓa zuwa Depot ɗin Zariya ba kuma ba a taɓa karɓarsa cikin shirin horaswar ba. (TRT Hausa) Sanarwar ta jaddada cewa Ibrahim Nazifi bai taɓa kasancewa a sansanin Depot ba, kuma saboda haka rundunar ba ta da wani bayani na jin rauni ko mutuwarsa yayin horaswa. (TRT Hausa) Rundunar Sojin Nijeriya ta buƙaci Gwamnatin Jihar Gombe da sauran hukumomi da su gudanar da cikakken bincike domin gano ainihin inda da yadda aka ce mutuwar ta faru, tare da jaddada cewa babu wani irin lamari da ya faru a Depot ɗin Zariya. (TRT Hausa) Ta kuma yi gargaɗi ga jama’a da su guji yaɗa labaran da ba a tantance ba, tana mai cewa rundunar na da tsauraran matakan tsaro da kulawar lafiya a duk atisayen horaswa domin kare lafiyar masu horaswa. (TRT Hausa)