Gida / Taskar labarai
Taskar labarai

Wannan sashe yana nuna tsoffin labarai da ranakun da aka wallafa su. An nuna labarin a harshensa na asali.

Rasha ta sake bude ofishin jakadancinta a Burkina Faso bayan shekara 30

Ana sa ran shugaban Rasha Vladimir Putin zai nada jakadan kasar a Burkina Faso bayan sake bude ofishin jakadancin rasha a kasar wanda aka rufe tun shekarar 1992. Kasar Rasha ta sake bude ofishin jakadancinta a Burkina Faso a ranar Alhamis bayan shafe kusan shekaru 32, a cewar sanarwar gwamnatin k...

NewstimeTR Haber Merkezi · · An sabunta 2026-08-13, 05:26:19
Rasha ta sake bude ofishin jakadancinta a Burkina Faso bayan shekara 30
A taƙaice

Ana sa ran shugaban Rasha Vladimir Putin zai nada jakadan kasar a Burkina Faso bayan sake bude ofishin jakadancin rasha a kasar wanda aka rufe tun shekarar 1992. Kasar Rasha ta sake bude ofishin jakadancinta a Burkina Faso a ranar Alhamis bayan shafe kusan shekaru 32, a cewar sanarwar gwamnatin k...

Ana sa ran shugaban Rasha Vladimir Putin zai nada jakadan kasar a Burkina Faso bayan sake bude ofishin jakadancin rasha a kasar wanda aka rufe tun shekarar 1992. Kasar Rasha ta sake bude ofishin jakadancinta a Burkina Faso a ranar Alhamis bayan shafe kusan shekaru 32, a cewar sanarwar gwamnatin kasar da ke yankin Afirka ta Yamma da kuma jami’in diflomasiyyar Rasha suka fitar. An rufe ofishin ne a shekarar 1992, a cewar Jakadan Rasha a makwabciyar kasar Ivory Coast Alexei Saltykov, shugaban Rasha Vladimir Putin zai nada sabon jakadan Rasha a Burkina Faso. A wata sanarwa da ma'aikatar harkokin wajen Burkina Faso ta fitar ta tabbatar da cewa "Rasha ta sake bude ofishin jakadancinta a yau Alhamis a Ouagadougou." Saltykov ya ce zai jagoranci ayyukan diflomasiyyar Rasha a Burkina Faso har sai an nada sabon jakadan, yana mai bayyana Burkina Faso a matsayin "tsohuwar abokiyar hulda da muke da kyakkyawar alaƙa ta abota." Sauya abokan hulda A bara Burkina Faso ta fuskanci juyin mulkin soji har sau biyu -- sun samo asali ne sakamakon rashin gamsuwa da kuma gazawar da aka yi wajen kawo karshen matsalar tsaro ta masu tada ƙayar baya. Tun bayan hawan su mulki a watan Satumban 2022, gwamnatin mulkin sojin kasar ta nesanta kanta daga Faransa, daɗaɗɗiyar abokiyar huldarta, sannan wacce ta mata mulkin mallaka, kana ta matsa kusa da Rasha. A watan Oktoba ne Burkina Faso ta kulla yarjejeniya da kasar Rasha kan gina tashar makamashin nukiliya domin kara samar da makamashi a yankin Sahel inda kasa da kashi daya cikin hudu na al'ummar kasar ke samun wutar lantarki.