Hukumomi sun bayyana cewa kwale-kwalen ya nutse a tekun Libya kuma yana dauke da 'yan ci-rani 86 a lokacin da igiyar ruwa ta ja shi. Wani kwale-kwale dauke da gomman ‘yan ci-rani ya nutse a gabar tekun Libiya, inda sama da mutum 60 suka rasu, daga ciki har da yara da mata, kamar yadda Hukumar da ke Kula da ‘Yan Ci-rani ta Majalisar Dinkin Duniya ta bayyana. Hukumar ta bayyana cewa akasarin wadanda ke cikin kwale-kwalen ‘yan Nijeriya ne da Gambiya da sauran kasashen Afirka. Hatsarin kwale-kwalen shi ne na baya-bayan nan da ya faru a Tekun Bahar Rum, wadda hanya ce mai muhimmanci amma kuma mai muni ga ‘yan ci-rani wadanda ke son samun rayuwa mai inganci a Turai. Hukumar da ke Kula da ‘Yan Ci-rani ta Majalisar Dinkin Duniya a wata sanarwa ta bayyana cewa kwale-kwalen yana dauke da ‘yan ci-rani 86 a lokacin da igiyar ruwa ta ja shi, lamarin da ja ‘yan ci-rani 61 suka rasu, kamar yadda wadanda suka tsira suka tabbatar. Hukumar ta bayyana cewa an ceto mutum 25 inda aka kai su wurin tsare ‘yan ci-rani da ke Libiya. Ta bayyana cewa duka wadanda suka tsira na cikin yanayi mai kyau kuma sun samu kulawa mai kyau daga ma’aikata. Akalla ‘yan ci-rani 940 suka rasu a 2023 Hukumar kula da ‘yan gudun hijirar ta bayyana cewa akalla ‘yan ci-rani 940 aka tabbatar sun rasu, 1,248 kuma ba a san inda suke ba tun daga 1 ga watan Janairu zuwa 18 ga watan Nuwamba. Shirin gano ‘yan ci-ranin da suka yi batan-dabo ya tabbatar da cewa akwai ‘yan ci-rani 14,900 daga ciki har da mata 1,000 da sama da yara 530 wadanda aka kama a lokacin da suke hanyar komawa Libiya a bana. A 2022, shirin ya gano mutum 529 wadanda suka rasu sannan 848 wadanda suka bace a gabar tekun na Libiya. Sama da 24,600 aka kama inda aka mayar da su Libiya. Masu safarar mutane a ‘yan kwanakin nan sun rinka amfani da irin rikicin da ake yi a Libiya inda suka rinka fasa-kwabrin mutanen ta iyakokin kasar masu tsawo wadanda suka yi iyaka da kasashe shida.
Esta sección muestra noticias archivadas con sus fechas de publicación originales. El artículo se muestra en su idioma original.
Kwale-kwale ya nutse da 'yan ci-rani sama da 60 akasarinsu daga Nijeriya
Hukumomi sun bayyana cewa kwale-kwalen ya nutse a tekun Libya kuma yana dauke da 'yan ci-rani 86 a lokacin da igiyar ruwa ta ja shi. Wani kwale-kwale dauke da gomman ‘yan ci-rani ya nutse a gabar tekun Libiya, inda sama da mutum 60 suka rasu, daga ciki har da yara da mata, kamar yadda Hukumar da...

Hukumomi sun bayyana cewa kwale-kwalen ya nutse a tekun Libya kuma yana dauke da 'yan ci-rani 86 a lokacin da igiyar ruwa ta ja shi. Wani kwale-kwale dauke da gomman ‘yan ci-rani ya nutse a gabar tekun Libiya, inda sama da mutum 60 suka rasu, daga ciki har da yara da mata, kamar yadda Hukumar da...
