Yaƙin da Isra'ila ke yi a Gaza, ya shiga rana ta 202. An kashe aƙalla Falasɗinawa 34,262 - galibinsu jarirai da yara da mata. An jikkata sama da 77,229. MDD ta ce an aikata "laifin yaƙi" bayan gano gawa sama da 300 a kaburburan bai-ɗaya a G 0940 GMT — Yawan waɗanda suka mutu a Gaza ya kai 34,300 yayin da Isra'ila ke ci gaba da kai hare-hare Yawan mutanen da suka mutu sakamakon hare-hare ba ƙaƙƙautawa da Isra'ila take kai wa Gaza tun watan Oktoban bara sun kai 34,305, kamar yadda Ma'aikatar lafiya ta yankin da aka yi wa ƙawanya ta faɗa. Wata sanarwa ta ma'aikatar ta ce an kuma raunata mutum 77,293 tun fara yaƙin. "Aƙalla mutum 43 aka kashe tare jikkata wasu 64 a hare-haren da ISra'ila ta kai cikin awa 24 da suka wuce," in ji ma'aikatar. "Mutane da dama sun maƙale a ƙarƙashin ɓaraguzai a kan tituna a yayin da masu aikin ceto suka kasa kaiwa gare su," ta ƙara da cewa. 0550 GMT — Hamas za ta ajiye makamanta idan aka kafa ƙasashe biyu masu ƴancin kansu: Rahoto Wani babban jami'i a ɓangare siyasa na Hamas ya shaida wa The Associated Press cewa a shirye ƙungiyar take ta ƙulla yarjejeniyar shekara biyar ko fiye da haka da Isra'ila kuma za ta zama jam'iyyar siyasa idan aka samar da ƙasashe biyu kowace mai cin gashin kanta. Al-Hayya ya ce Hamas tana son kafa gwamnatin haɗin-kai a Gaza da Gaɓar Yammacin Kogin Jordan./Hoto: AFP Khalil al-Hayya ya bayyana haka ne ranar Laraba a yayin da aka fuskanci tsaiko kan yarjejeniyar tsagaita wuta tsakanin ɓangarorin biyu. Al-Hayya ya ce Hamas tana son kafa gwamnatin haɗin-kai a Gaza da Gaɓar Yammacin Kogin Jordan. Ya ƙara da cewa Hamas za ta amince “da cikakkiyar ƙasar Falasɗinawa da ke da iko a Gaɓar Yamma da Kogin Jordan da Gaza da kuma mayar da Falasɗinawa yankin kamar yadda dokokin ƙasashen suka buƙaci a yi". 0201 GMT — An fitar da Ben-Gvir daga wajen da Isra'ilawa masu zanga-zanga suka yi wa ƙawanya 'Yan sandan Isra'ila sun fitar da minista mai tsattsauran ra'ayi Itamar Ben-Gvir daga wani gini da ke Yammacin Birnin Ƙudus wanda masu zanga-zanga suka kewaye, ciki har da iyalan waɗanda ake garkuwa da su a Gaza. Jaridar Yedioth Ahronoth ta Isra'ila ta bayar da rahoton cewa, daruruwan masu zanga-zangar ne suka taru a yankin da ke kusa da ginin inda ministan kula da kayayyakin tarihi na kasar Amchai Eliyahu na masu tsattsauran ra'ayi da malamin addinin Kirista Bentzi Gopstein suka raka Ben-Gvir. Rundunar ‘yan sandan ta fitar da fitaccen ministan daga wajen da lamarin ya faru bayan jami’anta sun cece shi. Sun hana masu zanga-zangar isa ga Ben-Gvir ne bayan sun kewaye motarsa suna rera taken rashin amincewa da shi da suka hada da "Shame on you," wato "Ka ji kunya." 'Yan sandan sun yi amfani da hanyoyin tarwatsa jama'a, ciki har da watsa wa mutane ruwan datti, kamar yadda jaridar ta ruwaito. Rundunar ‘yan sandan ta fitar da fitaccen ministan daga wajen da lamarin ya faru bayan jami’anta sun cece shi. / Photo: Reuters
Sehemu hii inaonyesha habari za kumbukumbu pamoja na tarehe zake za awali za kuchapishwa. Habari imeonyeshwa katika lugha yake ya asili.
Kai-tsaye: Yawan waɗanda suka mutu a Gaza ya kai 34,300 yayin da Isra'ila ke ci gaba da kai hare-hare
Yaƙin da Isra'ila ke yi a Gaza, ya shiga rana ta 202. An kashe aƙalla Falasɗinawa 34,262 - galibinsu jarirai da yara da mata. An jikkata sama da 77,229. MDD ta ce an aikata "laifin yaƙi" bayan gano gawa sama da 300 a kaburburan bai-ɗaya a G 0940 GMT — Yawan waɗanda suka mutu a Gaza ya kai 34,300...

Yaƙin da Isra'ila ke yi a Gaza, ya shiga rana ta 202. An kashe aƙalla Falasɗinawa 34,262 - galibinsu jarirai da yara da mata. An jikkata sama da 77,229. MDD ta ce an aikata "laifin yaƙi" bayan gano gawa sama da 300 a kaburburan bai-ɗaya a G 0940 GMT — Yawan waɗanda suka mutu a Gaza ya kai 34,300...
