Kai-tsaye: Trump ya yi barazanar soke yarjejeniyar tsagaita wuta a Gaza idan ba a saki mutanen da aka yi garkuwa da su ba

Yarjejeniyar tsagaita wuta a Gaza ta shiga kwana na 24 a yau — bayan yaƙin Isra'ila na isan ƙare-dangi a yankin ya kashe Falasɗinawa fiye da 48,208, ko da yake yanzu hukumomi sun ce waɗanda aka kashe sun kusa 62,000. Talata, 11 ga Fabrairu, 2025 2253 GMT — Shugaban Amurka Donald Trump ya ce zai soke yarjejeniyar tsagaita wuta a Gaza sannan ya bari "koma mai zai faru ya faru" idan ba a saki Isra'ilawa da sauran mutanen da aka yi garkuwa da su ba daga yanzu zuwa ranar Asabar. "A ganina, idan ba a saki mutanen da aka yi garkuwa da su ba daga yanzu zuwa ranar Asabar da ƙarfe 12 na rana, zan soke yarjejeniyar sannan na bari duk abin da zai faru ya faru," in ji Trump. "Muna so a dawo da su. Ina magana ne a ƙashin kaina. Isra'ila tana iya ƙin amincewa da hakan, amma dai ni a ganina, ranar Asabar da ƙarfe 12 na rana, idan ba a sake su ba, za a yi babban bala'i." Hamas ta ɗage sakin fursunonin Isra'ila 'har sai baba ta gani' Ƙarin labarai ???? 0231 GMT — Kafofin watsa labaran Saudiyya suna ci gaba da caccakar Netanyahu bisa kalaman da ya yi a kan masarautar Kafofin watsa labaran Saudiyya sun caccaki Firaministan Isra'ila Benjamin Netanyahu bisa kalaman da ya yi a kan masarautar tare da sukar shugaban Amurka Donald Trump saboda shirinsa na ƙwace Gaza da neman tilasta wa Falasɗinawa ficewa daga yankin. Kamfanin dillancin labarai na Saudi Press Agency ya shafe kwana na biyu yana wallafa rahotanni da ke ambato wasu ƙungiyoyin ƙasashen duniya da Ƙungiyar Ƙasashen Larabawa da Musulmai suna yin Allah wadai da kalaman Netanyahu. Through televised reports and posts on X, Kazalika gidan talbijin na Al-Ekhbariya TV ya riƙa watsa rahotanni na talbijin da kuma a shafinsa na X inda ya soki Netanyahu da kuma yin fatali da shirin Trump na korar Falasɗinawa daga yankinsu.