Accueil / Archives
Archives

Cette rubrique présente les archives avec leurs dates de publication originales. L’article est affiché dans sa langue d’origine.

Kai-tsaye: Amurka za ta fara jefa kayan agaji ta jirgin sama a Gaza bayan da yawan waɗanda suka mutu a yaƙin ya kai 30,000

Yaƙin da Isra'ila ke yi a Gaza - wanda yanzu ya shiga kwana na 146 - ya yi sanadin mutuwar Falasɗinawa aƙalla 29,954, galibi yara da mata, tare da jikkata mutum 70,325. 2149 GMT — Amurka za ta fara jefa kayan agaji ta jirgin sama a Gaza bayan da yawan wadanda suka mutu a yakin ya kai 30,000 Gwamn...

NewstimeTR Haber Merkezi · · Mis à jour 13/08/2026 05:26:13
Kai-tsaye: Amurka za ta fara jefa kayan agaji ta jirgin sama a Gaza bayan da yawan waɗanda suka mutu a yaƙin ya kai 30,000
En bref

Yaƙin da Isra'ila ke yi a Gaza - wanda yanzu ya shiga kwana na 146 - ya yi sanadin mutuwar Falasɗinawa aƙalla 29,954, galibi yara da mata, tare da jikkata mutum 70,325. 2149 GMT — Amurka za ta fara jefa kayan agaji ta jirgin sama a Gaza bayan da yawan wadanda suka mutu a yakin ya kai 30,000 Gwamn...

Yaƙin da Isra'ila ke yi a Gaza - wanda yanzu ya shiga kwana na 146 - ya yi sanadin mutuwar Falasɗinawa aƙalla 29,954, galibi yara da mata, tare da jikkata mutum 70,325. 2149 GMT — Amurka za ta fara jefa kayan agaji ta jirgin sama a Gaza bayan da yawan wadanda suka mutu a yakin ya kai 30,000 Gwamnatin shugaban kasar Amurka Joe Biden na duba yiwuwar fara jefa kayan agaji ta daga sama a yankin Gaza da aka yi wa ƙawanya, a daidai lokacin da isar da sako ta ƙasa ke ƙara matuƙar wahala, kamar yadda wata kafar yada labarai ta Amurka Axios ta rawaito, inda ta ambato wasu jami'an Amurka hudu. Wani jami'in Amurka ya shaida wa Axios cewa "Halin da ake ciki ya yi muni ƙwarai da gaske. Ba za mu iya samun isassun agaji ta hanyar mota ba saboda haka muna bukatar tsauraran matakai kamar saukar jiragen sama." Kazalika agajin jinƙai kaɗan ne ya shiga Gaza da aka yi wa ƙawanya a wannan watan, inda aka samu raguwar kashi 50 cikin 100 idan aka kwatanta da watan Janairu, in ji shugaban hukumar kula da ƴan gudun hijira ta Majalisar Dinkin Duniya (UNRWA) a ranar Litinin. Ya lissafo wasu daga cikin abubuwan da ke kawo cikas wajen kai kayan agaji da suka hada da rashin ƙoƙarin yin hakan daga shugabanni da rufe wuraren da ake bi a kai kayan, da kuma rashin tsaro, sakamakon mamayar sojoji da rushewar zaman lafiya. 2234 GMT — 'Yan sandan Isra'ila sun yi gargadi cewa hana Falasɗinawa shiga Masallacin Ƙudus a watan Ramadan na iya haifar da tashin hankali 'Yan sandan Isra'ila sun yi gargadin cewa sanya takunkumin hana shiga Masallacin Ƙudus a cikin watan Ramadan na iya ƙara ruruta wutar rikici a Birnin Ƙudus, kamar yadda kafafen yada labarai na kasar suka ruwaito. Kwanan nan ne Minista mai tsattsauran ra'ayi Itamar Ben-Gvir ya yi kira da a daina barin mazauna Yammacin Kogin Jordan da Yahudawa suka mamaye su shiga wuri na uku mafi tsarki na Musulunci a lokacin azumin watan azumi, yayin da aka ba da izinin shiga ga Falasdinawa 'yan Isra'ila masu shekaru 70 zuwa sama kawai. Tashar talabijin ta Channel 12 ta Isra'ila ta rawaito wasu manyan jami'an 'yan sanda da ba a bayyana sunayensu ba suna cewa za a yanke shawara kan lamarin a karshen mako mai zuwa. Jami'an sun ce idan aka yanke shawarar mayar da martani ga bukatun Ben-Gvir, hakan na iya ƙara ruruta wutar rikici a Birnin Ƙudus da aka mamaye, da kuma gauraye garuruwan da Isra'ila da Falasdinawa ke zaune. Kungiyar Abraham Initiatives ta aike da wasiƙa zuwa ga kwamishinan ‘yan sandan Isra’ila Yaakov Shabtai tana gargadin yiwuwar ta'azzarar rikicin.