Mwanadiplomasia mwandamizi wa Iran anasema nchi yake inaangazia kuwa na makubaliano ambayo yanaheshimu haki za wote na usawa.
Majadiliano na Marekani yanawezekana, Waziri wa Mambo ya Nje wa Iran Abbas Araghchi alisema siku ya Jumatatu, hata wakati nchi yake ikisema iko tayari kikamilifu kwa vita.
Akizungumza na mabalozi wa nchi za nje mjini Tehran kupitia Televisheni ya Taifa, Araghchi alisisitiza kuwa Iran haitaki vita lakini iko tayari kujlinda dhidi ya mashambulizi.
"Jamhuri ya Kiislamu ya Iran haitaki vita lakini iko tayari kikamilifu kwa vita," Araghchi alisema.
"Tuko tayari pia kwa majadiliano, lakini majadiliano hayo yanatakiwa kuwa ya usawa, yakiwa na haki sawa na kwa misingi ya kuheshimiana."
Mapema Rais wa Marekani Donald Trump alisema uongozi wa Iran unataka mazungumzo baada ya kutishia kushambulia kijeshi kufuatia maandamano.
Trump alisema Jumapili kuwa serikali yake inafuatilia kwa makini hali ilivyo nchini Irn na inatafakari kuhusu "njia thabiti" huku idadai ya waliofariki kwenye maandamano yanayoendelea ikisemekana kuwa mamia ya watu.
"Jeshi linafanyia hali tathmini, na tunaangalia njia thabiti. Tutafanya maamuzi," Trump aliwaambia waandishi wa habari akiwa kwenye ndege ya rais wa Marekani ya Air Force One kuelekea Washington, DC, kutoka Mar-a-Lago, Florida.
Trump pia alisema amekuwa akipata taarifa za kila saa kuhusu Iran, bila kueleza zaidi kuhusu wakati gani, wapi, na namna gani Marekani itachukua hatua.
Iran imekumbwa na maandamano tangu mwishoni mwa mwezi Disemba kutokana na hali mbaya ya kiuchumi inayokithiri.
Shirika la haki za binadamu lenye makao yake nchini Marekani la HRANA linasema waliofariki ni waandamanaji 490 na maafisa wa usalama 48, huku watu zaidi ya 10,600 wakikamatwa, ingawa hakuna makadirio rasmi kuhusu idadi hiyo.
Mwezi Juni mwaka uliopita, Marekani ilishambulia maeneo matatu ya kutengeneza nyuklia ya Iran — Fordow, Natanz, na Isfahan — ikiwa ni sehemu ya operesheni yao ya Midnight Hammer wakati wa vita vya muda mfupi vya Iran na Israel.
Pamoja na kutoa onyo kuhusu hatua za kijeshi, Trump amesema anaangalia njia za kurejeshwa kwa huduma za mtandao Iran huku zikiwa zimekatishwa kote, akisema kuwa atazungumza na Elon Musk kuhusu hilo.
Zambia begins vote count as Hichilema seeks second term
Local and international observer missions, including representatives from the European Union, monitored the voting process across the country.
US jury awards $29 million damages to family of Ethiopian Airlines crash victim
A Chicago jury has awarded $29 million to the family of an Irish-born United Nations employee who died in a 2019 Ethiopian Airlines Boeing 737 MAX crash.
Central African Republic opens probe into death of Swiss gold mining geologist
Historic direct elections begin in Somalia’s Galmudug region
Lamine Yamal: Spain’s World Cup winner who carries Morocco and Equatorial Guinea
'Nobody is selling football': FIFA says consultations on investment plan will continue
Djibouti defence minister Bourhan dies in Paris hospital