Mwanzo / Kumbukumbu za habari
Kumbukumbu za habari

Sehemu hii inaonyesha habari za kumbukumbu pamoja na tarehe zake za awali za kuchapishwa. Habari imeonyeshwa katika lugha yake ya asili.

Hotuna: Kusufin rana ya ƙayatar da mutane a nahiyar Arewacin Amurka

Masu son kallon kusufin rana a nahiyar Arewacin Amurka sun yi farin cikin ganin abin al'ajabin da ya gudana. An ga miliyoyin mutane suna nuna sha'awarsu ga kimiyyar samaniya da yin bukukuwa a layuka da cinikin kayayyaki. Mutane a yankin nahiyar Arewacin Amurka, tun daga bakin teku a Mexico zuwa g...

NewstimeTR Haber Merkezi · · Imesasishwa 13/8/2026, 05:26:12
Hotuna: Kusufin rana ya ƙayatar da mutane a nahiyar Arewacin Amurka
Kwa muhtasari

Masu son kallon kusufin rana a nahiyar Arewacin Amurka sun yi farin cikin ganin abin al'ajabin da ya gudana. An ga miliyoyin mutane suna nuna sha'awarsu ga kimiyyar samaniya da yin bukukuwa a layuka da cinikin kayayyaki. Mutane a yankin nahiyar Arewacin Amurka, tun daga bakin teku a Mexico zuwa g...

Masu son kallon kusufin rana a nahiyar Arewacin Amurka sun yi farin cikin ganin abin al'ajabin da ya gudana. An ga miliyoyin mutane suna nuna sha'awarsu ga kimiyyar samaniya da yin bukukuwa a layuka da cinikin kayayyaki. Mutane a yankin nahiyar Arewacin Amurka, tun daga bakin teku a Mexico zuwa gefen Kwazarin Niagra da ke iyakar Amurka da Canada, sun bibiyi kusufin rana suna shewa. A jihar Arkansas ta Amurka mutene sun yi tururuwar suna bikin ɗaurin aure. A inda sama take wasai, 'yan kallon da ke wuraren da husufin ya wuce sun kalli yadda Wata ya fito tamkar baƙar ƙwallo da ta rufe rana a hankali a hankali, har ya rufe ta ruf, ta yadda sai ƙyallin gefenta ake gani a ranar Litinin. Wannan ne kusufin da aka gani a nahiyar Arewacin Amurka tun shekarar 2017. Yayin da duniya ta yi duhu a yankin North Hudson da ke Jihar New York, ɗaruruwan mutane sun yi shewa saboda kaɗuwa. Wasu suna cewa, "Wayyo Allahna!", yayin da ma'aunin zafi ya yi ƙasa kuma fitilu suka kunnu saboda zaton dare ne ya yi. Garin Mazatlan da ke da wurin shaƙatawa na bakin teku a Mexico, shi ne babban wajen da 'yan kallo suka taru, cikin jerin wuraren da ake iya ganin kusufin. Dubban mutane sun yi cincirundo a gefen teku suka zauna kan kujeru sanye da tabarau da ake kallon rana da shi. An kunna kiɗan fim ɗin "Star Wars" lokacin da sama ta yi duhu bayan da wata ya yi wa rana labule. Ga wasu hotunan yadda kusufin ya kasance! ???? Kusufin rana kafin wata ya gama rufe ta, daga unguwar Queens, New York City, Amurka, Afrilu 8, 2024. / Hoto: Reuters Gunkin Statue of Liberty yayin da wata ke rufe rana, a tsibirin Liberty Island da ke New York City. / Hoto: Reuters Al'ummar gargajiyar ta Burgeo First Nation sun taru don kallon kusufi a Burgeo, jihar Newfoundland, Canada. / Hoto: REuters Taron mutane suna kallon sanda wata yake rufe rana a wani wajen kallo da ke gaɓar Hudson Yards da ke New York City. / Hoto: Reuters Sama ta yi duhu yayin da mutane ke ɗaukar hoto da wayoyinsu a wajen shaƙatawa na Sugarbush ski resort a Warren, jihar Vermont. / Hoto: Reuters Yadda wata ya fara rufe rana yayin da gajimare ke ɓoye su yadda aka gani a Austin, jihar Texas. / Hoto: AFP Mutane sun saka tabarau na musamman don kallon rana a garin Playas de Tijuana, jihar Baja California, Mexico. / Hoto: AFP Mutane sun yi cincirundo kusa da Kwazarin Horseshoe Falls don kallo kusufin rana a Kwazarin Niagara Falls, jihar Ontario, Canada. / Hoto: Reuters Mutane sanye da tabarau na musamman don kallon rana a Nazas, jihar Durango, Mexico. / Hoto: AFP Rana kafin wata ya gama rufe ta a Mazatlan, Mexico. . Hoto: Reuters Mutane suna kallon kusufi a filin wasa na Saluki Stadium, a Carbondale, jihar Illinois. / Hoto: Reuters