Inicio / Archivo de noticias
Archivo de noticias

Esta sección muestra noticias archivadas con sus fechas de publicación originales. El artículo se muestra en su idioma original.

Ana gudanar da zanga-zangar 'tsadar rayuwa' a jihohin Nijeriya

Rahotanni daga ƙasar sun ce tun daga misalin 7:00 na safe masu zanga-zangar suka soma taruwa inda suke riƙe da alluna waɗanda ke da rubutu game da wahalwalun da ake fama da su a ƙasar. Ƙungiyar Ƙwadago a Nijeriya ta soma gudanar da zanga-zanga a faɗin ƙasar domin nuna rashin jin daɗi dangane da t...

NewstimeTR Haber Merkezi · · Actualizado 13/8/2026, 5:26:08
Ana gudanar da zanga-zangar 'tsadar rayuwa' a jihohin Nijeriya
De un vistazo

Rahotanni daga ƙasar sun ce tun daga misalin 7:00 na safe masu zanga-zangar suka soma taruwa inda suke riƙe da alluna waɗanda ke da rubutu game da wahalwalun da ake fama da su a ƙasar. Ƙungiyar Ƙwadago a Nijeriya ta soma gudanar da zanga-zanga a faɗin ƙasar domin nuna rashin jin daɗi dangane da t...

Rahotanni daga ƙasar sun ce tun daga misalin 7:00 na safe masu zanga-zangar suka soma taruwa inda suke riƙe da alluna waɗanda ke da rubutu game da wahalwalun da ake fama da su a ƙasar. Ƙungiyar Ƙwadago a Nijeriya ta soma gudanar da zanga-zanga a faɗin ƙasar domin nuna rashin jin daɗi dangane da tsadar rayuwa da ake fama da ita a ƙasar. Ana gudanar da zanga-zangar ce duk da yunƙurin da gwamnatin tarayyar ƙasar ta yi na dakatar da ita. Haka kuma zanga-zangar ta biyo bayan wa’adin mako biyu da ƙungiyar ƙwadagon ta bai wa gwamnatin tarayyar ƙasar domin ta samar da matakai waɗanda za su rage tsadar rayuwa a ƙasar. Rahotanni daga ƙasar sun ce tun daga misalin 7:00 na safe masu zanga-zangar suka soma taruwa inda suke riƙe da alluna waɗanda ke da rubutu game da wahalwalun da ake fama da su a ƙasar. A Jihar Legas, masu zanga-zangar sun taru a Ikeja ƙarƙashin gada kuma rahotanni sun ce ɗumbin jama’a sun taru. A Jihar Oyo kuwa, mambobin na NLC sun taru a sakateriyar ƙungiyar da ke Agodi a Ibadan babban birnin jihar. A Kaduna ma haka abin yake inda mambobin ƙungiyar suka taru a sakateriyar ƙungiyar. Wasu daga cikin masu zanga-zangar sun fito tun kimanin bakwai na safe. / Hoto: Reuters Raba ruwa da biskit Tun kafin soma wannan zanga-zanga, ƴan sandan Nijeriya sun ta jan kunnen masu niyyar fita zaga-zangar kan tayar da tarzoma. Sai dai a Jihar Legas, wani bidiyo da ya rinƙa yawo a shafukan sada zumunta ya nuna yadda ƴan sandan suka rinƙa raba ruwa da biskit ga masu zanga-zangar. A cikin bidiyon, an ga yadda motar ƴan sandan ke ɗauke da robobi na ruwa da biskit inda ake bin motar a baya ƴan sandan na miƙa ruwan da biskit.