Kotun Tarayya Ta Tsare Mutum Tara Kan Harin Ta’addanci a Benue

Ana Zargin Su Da Hannu a Kisan Kimanin Mutane 150 a Yelwata Babbar Kotun Tarayya da ke Abuja ta ba da umarnin tsare wasu mutum tara da ake zargi da laifin ta’addanci, bisa zargin kai hari kan al’ummar Yelwata da ke gundumar Guma a Jihar Benue a ranar 13 ga Yuni, 2025, harin da ya yi sanadiyyar mutuwar kimanin mutane 150. TRT Hausa Kotun ta bayyana cewa wadanda ake zargin sun shirya tarurruka, sun tara kudade, sun sayi makamai tare da hada kan ‘yan bindiga daga jihohi daban-daban kafin kai harin, wanda aka bayyana a matsayin daya daga cikin hare-haren karkara mafi muni da aka taba fuskanta a ‘yan shekarun nan. TRT Hausa A cewar tuhumar, ana zargin shugaban ‘yan bindigar, Ardo Lawal Mohammed Dono, da jagorantar shirin harin bayan da ya gana da wasu mutane a Jihar Nasarawa domin tara kudi, bayar da umarni da kuma daukar mayaka. Haka kuma ana zargin wasu daga cikin wadanda ake tsare da samar da bindigogin AK-47, taimaka wa maharan da kuma basu mafaka. TRT Hausa Hare-haren sun lalata gidaje da dama tare da janyo asarar rayuka mai yawa a Yelwata, a yayin da Jihar Benue ke ci gaba da fuskantar rikice-rikice na manoma da makiyaya da kuma na kabilanci tsawon shekaru. TRT Hausa Lamarin na zuwa ne yayin da Nijeriya ke fuskantar matsin lamba daga kasashen waje kan matsalar tsaro, musamman bayan zargin da Shugaban Amurka Donald Trump ya yi cewa ana gaza kare Kiristoci, inda hukumomin Nijeriya suka ce suna hada kai da Amurka domin inganta tsaro. TRT Hausa